الشيطان قص علي !
في البداية ... شهر رمضان الفضيل لا ينتهي الكلام عنه … كنت أنوي نقل موضوع لكم من كتاب أو أن أكتب موضوعا بأسلوبي ولكن باللغة العربية …
لكن أفضل اليوم أن أكتب بلهجتنا الكويتية وأسولف معاكم وأشوف اشيطلع معاي لأن الصراحة مافي نقطة معينة ببالي
بسم الله نبتدي
شهر رمضان نعمة من نعم الله سبحانه وتعالى علينا
فيه تتضاعف الحسنات وتصفد الشياطين! يعني ماكو شيطان!!
شهر كامل كل سنة الشيطان يكون فيه محبوس !
شنو معناته هالشي؟ إن أي واحد فينا يغلط أو يرتكب معصية أو يترك عبادة في رمضان فهذا الشي من نفسه!
شنو معناته هالشي؟ إن أي واحد فينا يغلط أو يرتكب معصية أو يترك عبادة في رمضان فهذا الشي من نفسه!
أهو أمر نفسه اتسوي هالشي ...
ما ينفع يقول: الشيطان قص علي! لأن الشيطان ما يقدر يوسوس لنا بهالشهر فالواحد فينا إذا عصا الله تعالى لازم يلوم نفسه ...
وهذي فرصة إن الواحد ايعرف نسبة الخير والشر إلي فيه ...
وإذا كنت أسوي غلط قبل رمضان واستمريت بهالغلط برمضان فمعناته إن الخلل فيني آنا !
لأن الشيطان سواء كان موجود أو مو موجود آنا قاعدة أغلط هالغلطة ...
صحيح إن شعور يعور لما أكتشف هالخلل إلي فيني بس فرصة ما تتكرر وايد إني أعرف نفسي اشكثر أمارة بالسوء؟
أحاسب نفسي بهالثلاثين يوم وأحاول أتغير ...
وأهم شي إني أندم على إلي سويته في سنوات عمري إلي طافت ... وأنوي فعلا إني أتوب ... وأدعي الله سبحانه وتعالى إن يغفر لي ويعينني على الطاعات وترك المعاصي
مابي أطول عليكم ... بس عندي طلب صغير ...
ممكن؟
أبي كل واحد فيكم يقعد اليوم بروحه بالليل متأخر ... يقعد على سيادة الصلاة ... ويتذكر اشكثر غلط بحياته وشنو الشغلات إلي سواها ... ويدعي ربه إن يغفر له كل ذنوبه بهالليلة ... ويبين لله سبحانه وتعالى اشكثر ندمان ... وترى (الدموع) تغسل القلب واترققه ...
قال رسول الله صلى الله عليه وآله وسلم : عينان لا تمسهما النار ، عين بكت من خشية الله ، وعين باتت تحرس في سبيل الله.
المحبة أختكم
Ra-1
رمضان
2005 م
ما ينفع يقول: الشيطان قص علي! لأن الشيطان ما يقدر يوسوس لنا بهالشهر فالواحد فينا إذا عصا الله تعالى لازم يلوم نفسه ...
وهذي فرصة إن الواحد ايعرف نسبة الخير والشر إلي فيه ...
وإذا كنت أسوي غلط قبل رمضان واستمريت بهالغلط برمضان فمعناته إن الخلل فيني آنا !
لأن الشيطان سواء كان موجود أو مو موجود آنا قاعدة أغلط هالغلطة ...
صحيح إن شعور يعور لما أكتشف هالخلل إلي فيني بس فرصة ما تتكرر وايد إني أعرف نفسي اشكثر أمارة بالسوء؟
أحاسب نفسي بهالثلاثين يوم وأحاول أتغير ...
وأهم شي إني أندم على إلي سويته في سنوات عمري إلي طافت ... وأنوي فعلا إني أتوب ... وأدعي الله سبحانه وتعالى إن يغفر لي ويعينني على الطاعات وترك المعاصي
مابي أطول عليكم ... بس عندي طلب صغير ...
ممكن؟
أبي كل واحد فيكم يقعد اليوم بروحه بالليل متأخر ... يقعد على سيادة الصلاة ... ويتذكر اشكثر غلط بحياته وشنو الشغلات إلي سواها ... ويدعي ربه إن يغفر له كل ذنوبه بهالليلة ... ويبين لله سبحانه وتعالى اشكثر ندمان ... وترى (الدموع) تغسل القلب واترققه ...
قال رسول الله صلى الله عليه وآله وسلم : عينان لا تمسهما النار ، عين بكت من خشية الله ، وعين باتت تحرس في سبيل الله.
المحبة أختكم
Ra-1
رمضان
2005 م
posted by al_Mnaber @ 12:14 PM
16 Comments:
كنت افكر بنفس الموضوع قبل جم يوم واكتشفت ان نفسي امارة بالسوء في وايد شغلات سجلتها بورقة ولزقتها داخل الكبت(الخزانة) وانشالله اقدر اتوب عنها
Ra-1
يزاج الله خير على هالموضوع ما في حد كامل في هالدنيا و معصوم عن الغلط و اقتراحج مفيد و عسى الله بس يعينا على قيام و صيام رمضان و يبارك لنا فيه :)
Nice Post :)))
7adda 3ajeeeb
chatterbox ...
زين سويتي
والله ايعينج:)
متفرغ ...
آمين :)
LittleBig ...
مشكورة حبيبتي
إن شالله يكون فادج ;)
بوست عفوي بسيط في مفرداته و مفهوم و عميق في معناه .. كلامج فيه فكرة و فلسفة عظيمة
كثير من الأمور وراها شياطينا احنا و نفسنا الأمارة بالسوء بس الإنسان يحب دايما يخلق الأعذار حتى لو كان هو نفسه مو مصدقها
غير ذلك حتى لو كانت الشياطين هي السبب هذا لا يبرر بأي حال من الأحوال اخطاءنا
يعطيج العافية
الله ايعافيك :)
جزاك الله الف خير
:)
تدرين الفكرة تخوف شوي
يعني اي غلطة انتي تدرين انها من نفسج والشيطان برئ منها
:((
الله يهدينا ويصلحنا
ويزاج الله كل خير
بوست من القلب للقلب
:)
جزاك الله خير
الله هم اكفينا من شرور انفسنا
ومن سيئات اعمالنا
الدليل
فى اعتقادى الشياطين داخلنا يجب ان نخرجا ولا نعتقد بان الشياطين فى الخارج وتحاول التسور للدخول فى انفسنا
جزاكم الله خير جميعا
موضوع ممتااز .. و مثل ما قلتي نلقي اللوم على إبليس و ننسى النفس الأمارة بالسوء .. يزاج الله خير على الموضوع
موضوع خطير جدًا
الصراحة كنت دائمًا أفكر بهذا الشئ يعني مثلاً
في رمضان تكيسلت عن صلاة وكنت اقول ماكو شيطان شنو السالفه!!! يا ويلي ويلاه
العزيزة Ra-1
الله يحفظك من السوء ويوفقك ويسدد خطاك انشاءالله ويرزقك بالصالحين
حافظك الرحمن
موضوع رائع!! :)
صحيح أي شي نسويه في رمضان هو من نفسنا الأمّارة بالسوء و بصراحة في هاللحظة هذي اكتشفت إن وايد في أشياء ما أحبها قاعده أسويها في رمضان :(
ان شا الله الله يقدرنا على ترك هالطبايع الشينة اللي عندنا قبل نهاية رمضان و جزاكِ الله كل الخير على الموضوع الرائع و الأسلوب العفوي الرقيق :)
ملاحظة: قرأت قبل فترة أن الشيطان هو من يوسوس لنا بفعل الأشياء السيئة في البداية و الاستمرار على فعل السوء هو من النفس الأمّارة بالسوء، مثلاً.. الشيطان يوسوس لفلانة بأن ترتدي ملابس ضيقة تظهر أكثر مما تستر و فلانة هذي لم تكن تفعل هذا من قبل فإذا لبست هذه الملابس في المرة الأولى فهي هنا قد استجابت للشيطان و إذا هي استمرت على ذلك في المرّات التالية فذلك من نفسها الأمّارة بالسوء فالشيطان يدعوها لفعل المعصية و اذا استجابت له و ضمنها في صفه يوسوس لها لفعل معاصي أخرى و يترك المعصية الأولى لنفسها الأمارة بالسوء!!
أتمنى إن الكلام يكون واضح و ما ذكرته إلّا للفائدة :)
و السلام عليكم و رحمة الله و بركاته :)
se3loa ...
أجمعين :)
Estekana ...
اعجبتي كلمة الشيطان برىء منها !
فعلا أخطاءنا في رمضان الشيطان برىء منها
;)
قلم جاف ...
شكرا على الإضافة :)
مساعد ...
أجميعن :)
i live in Q8 ...
يزاك الله خير :)
Clouds ...
شكرا على الإضافات المفيدة
n_n
Enjoyed a lot! » »
Where did you find it? Interesting read Jackpot casino video slot machine Children rug for play area Rivera casino
Post a Comment
<< Home